Huset ligg knappe 3 km frå nokre av dei finaste strendene på Costa Blancakysten. Dei to største er Mil Palmeras og La Glea som begge har blått flagg. Dette er EU sitt kvalitetsstempel på strender som er reine og og har gode publikumsfasilitetar. Men her er fleire små strender og vikar som er lett tilgjengeleg.

La Glea / Campoamor- stranda.

Dette er stranda som ligg nærast huset, og som har den beste parkeringsplassen. Her er alltid plass  i gatene eller på en stor parkeringsplass fem minutt å gå frå stranda, i motsetning til dei andre strendene som har sparsom parkeringskapasitet.

Her er solsengar å leige, men det er ganske kostbart, så vi tar med  stråmatter og strandstolar. Vi likar best den nordlige delen av stranda. Sanden er fin, og passelig langgrunn så den høver også for dei minste.

 

Mil Palmeras

Dette er den lengste av strendene, og har den same fine sanden som La Glea. Den ligg 10 minutt kjøring sørover langs 332. Den er meir langgrunn, og vår erfaring er at bølgene veks seg litt større her. Likevel ei fin og barnevennlig strand.

I tillegg er der fleire mindre strender som er verd et besøk mellom La Glea og Torrevieja. I San Pedro del Pinatar er der gjørme bading og strender inn i Mar Menor som er verd å prøve. Lykke til !